23 säuir – Qazaqstanda alğaş ret Wlttıq kitap küni retinde atalıp ötti. Bwl kün – kitaptıñ qoğamdağı ornın qayta bağamdap, jastardıñ oqu mädenietin qalıptastıruğa arnalğan mañızdı bastama, dep habarlaydı Shalqar.kz.

Merekeniñ bastı maqsatı – kitaptıñ qwndılığın däripteu, öskeleñ wrpaqtıñ oquğa degen ıntasın arttıru jäne ruhani bay, oy-örisi keñ wlt qalıptastıru. Bwl kün – jay ğana data emes, wlttıñ ziyatkerlik äleuetin köteruge bağıttalğan naqtı qadam.

Prezident Qasım-Jomart Toqaev ta bwl aytulı künmen qazaqstandıqtardı qwttıqtap, kitapqa degen süyispenşiliktiñ mañızın atap ötti.

– Biıl alğaş ret atalıp jatqan Wlttıq kitap küni qwttı bolsın! Bwl – bilimpazdıq, izdenimpazdıq, kitapqwmarlıq siyaqtı igi qasietterdi däripteytin kün. Kitap oqığan wrpaq ozıq oylı boladı. Sapalı wlt osınday qwndılıqtar arqılı qalıptasadı, – delingen Prezidenttiñ qwttıqtauında.

Wlttıq kitap küni – tek oqırmandar üşin emes, bükil qoğam üşin mañızdı. Sebebi kitap – mäñgilik qwndılıq. Al sol qwndılıqtı bağalay biletin el – alğa basatın el.