تانىمال كينوستۋدييا – ەندى تەك فيلьم تۇسىرەتىن الاڭ عانا ەمەس. مادەنيەت جانە اقپارات مينيسترى ايدا بالاەۆا «قازاقفيلьمدى» زاماناۋي وتباسىلىق دەمالىس ورتالىعىنا اينالدىرۋ جوسپارىن تانىستىردى, دەپ حابارلايدى Shalqar.kz.

پرەزيدەنت قول قويعان جاڭا زاڭعا سايكەس, ەندى كينوستۋدييا كينويندۋسترييانى دامىتۋعا بولىنەتىن قارجىنىڭ 30%-ىن تىكەلەي الىپ, وز جوبالارىن ەركىن جوسپارلاي الادى. بۇل – قارجىلىق دەربەستىك پەن شىعارماشىلىق ەركىندىككە جول اشادى.

مينيستردىڭ ايتۋىنشا, قازىرگى ۋاقىتتا ستۋدييا اۋماعىندا جەكە كينوتەاتر, اشىق جازعى كينوتەاتر, مۋزەي, تاقىرىپتىق دۇكەندەر مەن وزگە دە دەمالىسقا ارنالعان نىساندار سالۋ جوسپارلانۋدا.

— «قازاقفيلьمنىڭ» جەرى ەشكىمگە ساتىلمايدى جانە بەرىلمەيدى. ول تەك ستۋدييانى دامىتۋ ۇشىن عانا پايدالانىلادى, — دەپ ناقتىلادى ايدا بالاەۆا.

وتاندىق كينونىڭ جۇرەگى ەندى وتباسىلىق دەمالىستىڭ جاڭا مەكەنىنە اينالماق.