Ұлы Жеңістің 80 жылдығы қарсаңында Қазақстанда ел үшін от кешкен батырлардың есімін ұлықтайтын маңызды шешім қабылданды. Мемлекет басшысы Қасым-Жомарт Тоқаев Қазақстан халқы Ассамблеясының ХХХІV сессиясында елдегі 500-ден астам көшеге ҰОС ардагерлерінің есімі берілетінін мәлімдеді, деп хабарлайды Shalqar.kz.

Президенттің айтуынша, бұл шешім — тек тарихи әділеттілікті қалпына келтіру ғана емес, сонымен қатар жастарды отансүйгіштікке баулудың нақты қадамы. Ардагерлердің ерлігі — ел жадында сақталуы тиіс асыл мұра.

“Бұл көшелерге, әсіресе, бұрын атауы болмаған немесе қайталанатын атаулардағы жерлерге батырлардың есімдері беріледі. Бұл — Ұлы Жеңіске және оның қаһармандарына көрсетілген құрметтің айқын көрінісі”, – деді Тоқаев.

Сондай-ақ, Жеңістің 80 жылдығына арналған іс-шаралар шеңберінде елде екі мыңнан астам мәдени, ғылыми және ағартушылық шаралар өткізіледі. Мерекелік шаралар легі ауқымды әскери шерумен қорытындыланады.