ۇلى جەڭىستىڭ 80 جىلدىعى قارساڭىندا قازاقستاندا ەل ۇشىن وت كەشكەن باتىرلاردىڭ ەسىمىن ۇلىقتايتىن ماڭىزدى شەشىم قابىلداندى. مەملەكەت باسشىسى قاسىم-جومارت توقاەۆ قازاقستان حالقى اسسامبلەياسىنىڭ حححىV سەسسيياسىندا ەلدەگى 500-دەن استام كوشەگە ۇوس ارداگەرلەرىنىڭ ەسىمى بەرىلەتىنىن مالىمدەدى, دەپ حابارلايدى Shalqar.kz.

پرەزيدەنتتىڭ ايتۋىنشا, بۇل شەشىم — تەك تاريحي ادىلەتتىلىكتى قالپىنا كەلتىرۋ عانا ەمەس, سونىمەن قاتار جاستاردى وتانسۇيگىشتىككە باۋلۋدىڭ ناقتى قادامى. ارداگەرلەردىڭ ەرلىگى — ەل جادىندا ساقتالۋى تيىس اسىل مۇرا.

“بۇل كوشەلەرگە, اسىرەسە, بۇرىن اتاۋى بولماعان نەمەسە قايتالاناتىن اتاۋلارداعى جەرلەرگە باتىرلاردىڭ ەسىمدەرى بەرىلەدى. بۇل — ۇلى جەڭىسكە جانە ونىڭ قاھارماندارىنا كورسەتىلگەن قۇرمەتتىڭ ايقىن كورىنىسى”, – دەدى توقاەۆ.

سونداي-اق, جەڭىستىڭ 80 جىلدىعىنا ارنالعان ىس-شارالار شەڭبەرىندە ەلدە ەكى مىڭنان استام مادەني, عىلىمي جانە اعارتۋشىلىق شارالار وتكىزىلەدى. مەرەكەلىك شارالار لەگى اۋقىمدى اسكەري شەرۋمەن قورىتىندىلانادى.