قازاقستان مەن بىرىككەن اراب امىرلىكتەرى اراسىنداعى اۋە قاتىناسى جاڭا دەڭگەيگە كوتەرىلەدى. 1 ماۋسىمنان باستاپ Air Arabia Abu Dhabi اۋەكومپانيياسى الماتىعا تىكەلەي رەيستەردى ىسكە قوسادى. بۇل جاڭالىق حالىقارالىق ساياحاتتاردى ۇناتاتىندار ۇشىن جاعىمدى جاڭالىق بولماق, دەپ حابارلايدى Shalqar.kz.

اپتاسىنا ۇش رەت – سەيسەنبى, جۇما جانە جەكسەنبى كۇندەرى ورىندالاتىن رەيستەر ابۋ-دابي مەن الماتىنى تىكەلەي بايلانىستىرادى. بۇل باعىت ارقىلى تەك تۋريزم ەمەس, سونىمەن قاتار ىسكەرلىك جانە ينۆەستيتسييالىق بايلانىستار دا ارتا تۇسپەك.

ازاماتتىق اۆياتسييا كوميتەتىنىڭ مالىمەتىنشە, بۇل باستاما قازاقستاننىڭ اۋە كەڭىستىگىن كەڭەيتىپ, حالىقارالىق قاتىناستاردى نىعايتۋ ماقساتىندا قولعا الىنعان.

Air Arabia Abu Dhabi – امىرلىكتەردىڭ بەلسەندى دامىپ كەلە جاتقان اۋەكومپانييالارىنىڭ بىرى. ەندى ولاردىڭ باعىتىنا قازاقستان دا قوسىلىپ وتىر.

ايتا كەتەيىك, بۇعان دەيىن 1 مامىردان باستاپ QazaqAir وزبەكستانعا جاڭا باعىت اشاتىنىن حابارلاعان. ال سول كۇننەن باستاپ تايلاندقا كىرۋ ەرەجەلەرى دە وزگەرەدى.