قازاقستاندا تۋريستىك سالا جاڭا قارقىن العالى وتىر. 2027 جىلعا دەيىن ەلىمىزدە جالپى قۇنى 1 تريلليون تەڭگەگە باعالانعان 181 ينۆەستيتسييالىق جوبا جۇزەگە اسپاق. بۇل تەك دەمالىس ورىندارىنىڭ سانى ارتادى دەگەن سوز ەمەس – بۇل سالادا 800 مىڭ جاڭا جۇمىس ورنى اشىلادى, دەپ حابارلايدى Shalqar.kz.

اگرو جانە ەكو-تۋريزمگە ەرەكشە كوڭىل بولىنەدى. اسىرەسە اۋىل-ايماقتاردا تۋريستىك قىزمەت تۇرلەرى كەڭەيىپ, 10 مىڭعا جۋىق اۋىل تۇرعىنى جۇمىسقا ورنالاسۋى مۇمكىن.

تۋريزم مەن تسيفرلاندىرۋ قاتار جۇرەتىن ۋاقىت كەلدى. ەندى ەلدەگى بۇكىل تۋريستىك ينفراقۇرىلىم بىرىڭعاي تسيفرلىق جۇيەگە بىرىكتىرىلەدى. ساپاردى جوسپارلاۋ, قوناقۇي برونداۋ, كولىك جانە بايلانىس – بارلىعى بىر پلاتفورما ارقىلى باسقارىلادى.

Kazakhstan.travel – قازىردىڭ وزىندە 8 تىلدە قولجەتىمدى تۋريستىك پورتال. اۋەجايلاردا QR-كود جۇيەسى ەنگىزىلىپ, eQonaq پلاتفورماسى ارقىلى كەلۋشىلەردى تىركەۋ جۇرىپ جاتىر.

تۋريزم جانە سپورت ۆيتسە-مينيسترى ەرجان ەركىنباەۆتىڭ ايتۋىنشا, الداعى ۋاقىتتا ۇيالى بايلانىس وپەراتورلارى, ەلەكتروندى تولەم جۇيەلەرى سيياقتى قىزمەتتەر دە وسى تسيفرلىق جۇيەگە قوسىلادى. بۇل – تۋريستەر ۇشىن بارىنشا اشىق ارى قولايلى ورتا قالىپتاستىرادى.