2025 جىلدىڭ 27 ساۋىرىنەن باستاپ ەمدەلۋ ۇشىن بىرجولعى زەينەتاقى تولەمدەرىن (بجت) پايدالانۋ ەرەجەلەرىنە بىرقاتار ماڭىزدى وزگەرىستەر كۇشىنە ەنەدى. بۇل تۋرالى “وتباسى بانك” رەسمي تۇردە حابارلادى. ەندى قازاقستاندىقتار بجت-نى تەك وز دەنساۋلىعىن تۇزەتۋگە ەمەس, سونىمەن بىرگە كامەلەتكە تولماعان بالالارىنىڭ ەمىنە دە باعىتتاي الادى, دەپ حابارلايدى Shalqar.kz.

ستوماتولوگييالىق قىزمەتتەرگە قاتىستى دا جاڭاشىلدىقتار بار. ەندى ەمدەۋدەن وتۋ ۇشىن دارىگەرلىك كوميسسييادان ەمەس, تىركەلگەن ەمحاناداعى دارىگەرلىك-كونسۋلьتاتسييالىق كوميسسييانىڭ (دكك) قورىتىندىسىن الۋ قاجەت بولادى.

سونىمەن قاتار, ستوماتولوگييا كلينيكاسىمەن جاسالاتىن شارت ارنايى بەكىتىلگەن فورماعا ساي بولۋعا تيىس. مىندەتتى تۇردە ەكى كەزەڭنەن تۇراتىن ەمدەۋ جوسپارى ۇسىنىلادى:
 • بىرىنشى كەزەڭ – حيرۋرگييالىق ەم (يمپلانتاتسييا, سۇيەك سالۋ, سينۋس كوتەرۋ سيياقتى وپەراتسييالار),
 • ەكىنشى كەزەڭ – ورتوپەدييالىق ەم (يمپلانتتاردىڭ ۇستىنە قۇرىلىم ورناتۋ).

ار كەزەڭدە تىستەردىڭ سۋرەتى تۇسىرىلىپ, ەكى رەت دكك قورىتىندىسى الىنادى. بۇل قۇجاتتار enpf-otbasy.kz پلاتفورماسىنا جۇكتەلۋى كەرەك.

ەگەر يمپلانتاتسييا قاجەت بولماسا, الىنبالى نەمەسە الىنبايتىن پروتەز ورناتۋ كەزىندە دە تولەم ەكى كەزەڭدە جۇرگىزىلەدى: پروتەزدەۋ باستالار الدىندا جانە پروتەز ورناتۋ الدىندا.

“بۇل وزگەرىستەر زەينەتاقى جيناقتارىن پايدالانۋ پروتسەسىنىڭ اشىقتىعىن, قاۋىپسىزدىگىن جانە ادىلدىگىن ارتتىرۋ ماقساتىندا ەنگىزىلدى”, – دەپ اتاپ وتتى بانك.