2025 jıldıñ 27 säuirinen bastap emdelu üşin birjolğı zeynetaqı tölemderin (BJT) paydalanu erejelerine birqatar mañızdı özgerister küşine enedi. Bwl turalı “Otbası bank” resmi türde habarladı. Endi qazaqstandıqtar BJT-nı tek öz densaulığın tüzetuge emes, sonımen birge kämeletke tolmağan balalarınıñ emine de bağıttay aladı, dep habarlaydı Shalqar.kz.

Stomatologiyalıq qızmetterge qatıstı da jañaşıldıqtar bar. Endi emdeuden ötu üşin därigerlik komissiyadan emes, tirkelgen emhanadağı därigerlik-konsul'taciyalıq komissiyanıñ (DKK) qorıtındısın alu qajet boladı.

Sonımen qatar, stomatologiya klinikasımen jasalatın şart arnayı bekitilgen formağa say boluğa tiis. Mindetti türde eki kezeñnen twratın emdeu josparı wsınıladı:
 • Birinşi kezeñ – hirurgiyalıq em (implantaciya, süyek salu, sinus köteru siyaqtı operaciyalar),
 • Ekinşi kezeñ – ortopediyalıq em (implanttardıñ üstine qwrılım ornatu).

Är kezeñde tisterdiñ sureti tüsirilip, eki ret DKK qorıtındısı alınadı. Bwl qwjattar enpf-otbasy.kz platformasına jüktelui kerek.

Eger implantaciya qajet bolmasa, alınbalı nemese alınbaytın protez ornatu kezinde de tölem eki kezeñde jürgiziledi: protezdeu bastalar aldında jäne protez ornatu aldında.

“Bwl özgerister zeynetaqı jinaqtarın paydalanu procesiniñ aşıqtığın, qauipsizdigin jäne ädildigin arttıru maqsatında engizildi”, – dep atap ötti bank.