Bügin elimizde tabiğattı jañğırtuğa arnalğan erekşe kün – Bükilqazaqstandıq orman otırğızu küni ötude. Bwl küni eldiñ tükpir-tükpirinde ağaş otırğızu, gülzarlar men sayabaqtardı kögaldandıru jäne «Taza Qazaqstan» akciyası ayasında aumaqtardı tazartu şaraları wyımdastırılıp jatır, dep habarlaydı Shalqar.kz.

Ekologiya jäne tabiği resurstar ministrligi de Qızıljar orman şaruaşılığı aumağında köşet otırğızu akciyasın ötkizdi. İs-şarağa jalpı sanı 150 adam qatısıp, 2000 dana jas köşet jerge otırğızıldı.
Orman jäne ösimdikter äleminiñ öndiru jäne paydalanu basqarmasınıñ bas sarapşısı Baqdäulet Amangeldinovtıñ aytuınşa, bügingi akciyanıñ bastı erekşeligi – tek qoqıs jinau emes, jaña ömir bastauı bolatın ağaştardı otırğızu.

«Bolaşaqta mwnday ekologiyalıq bastamalar twraqtı türde jalğasın tabadı. Öñirlerdegi ağaş otırğızu jwmıstarı aua rayına qaray ärtürli uaqıtta bastaladı. Mäselen, oñtüstik öñirlerde köktem erte keletindikten köşet otırğızu jwmıstarı erte bastaldı», – deydi sarapşı.

Ayta keteyik, Qazaqstan 2030 jılğa deyin orman alqabın 13,7 million gektardan 14,5 million gektarğa deyin wlğaytudı josparlap otır. Bwl maqsatqa jetu üşin 7 jıl işinde şamamen 1 million gektar jaña orman payda bolmaq.

Memleket basşısınıñ bastamasımen memlekettik orman qorı aumağında 2 milliard ağaş otırğızu tapsırması qoyılğan. 2021 jıldan beri el köleminde 736 mıñ gektar jerge 1 milliard 150 millionnan astam ağaş otırğızıldı. Biıldıñ özinde 205 mıñ gektarğa 306 million ağaş egilgen.