الماتىدا جەڭىستىڭ 80 جىلدىعىنا ارنالعان ىس-شارالار اياسىندا كەڭساي زيراتىندا تازارتۋ جانە اباتتاندىرۋ اكتسيياسى باستالدى, دەپ حابارلايدى Shalqar.kz.

كەڭساي زيراتى – ەكىنشى دۇنيەجۇزىلىك سوعىس ارداگەرلەرى مەن ەلىمىزدىڭ كورنەكتى تۇلعالارى جەرلەنگەن قاسيەتتى ورىن. مۇندا كەڭەس وداعىنىڭ ەكى مارتە باتىرى تالعات بيگەلدينوۆ, حالىق قاھارمانى راحىمجان قوشقارباەۆ, قازاقستاننىڭ تۇڭعىش قورعانىس مينيسترى ساعادات نۇرماعامبەتوۆ, سونداي-اق كەڭەس وداعىنىڭ باتىرى ارى حالىق قاھارمانى باۋىرجان مومىشۇلى سىندى ۇلى تۇلعالار ماڭگىلىك تىنىس تاپقان.

يگى شاراعا شىعارماشىلىق جوعارى وقۋ ورىندارىنىڭ ستۋدەنتتەرى مەن ەرىكتىلەر قاتىستى. ولار زيرات اۋماعىن رەتكە كەلتىرىپ, تازالاۋ جۇمىستارىن جۇرگىزدى جانە باتىرلاردىڭ رۋحىنا تاعزىم رەتىندە گۇل شوقتارىن قويدى.

ۇيىمداستىرۋشىلاردىڭ ايتۋىنشا, اكتسييانىڭ ماقساتى – وتكەنگە قۇرمەت كورسەتۋ, مايدانگەرلەردىڭ ەرلىگىن ۇلىقتاۋ جانە جاستاردىڭ تاريحي ساناسىن قالىپتاستىرۋ.