Almatıda Jeñistiñ 80 jıldığına arnalğan is-şaralar ayasında Keñsay ziratında tazartu jäne abattandıru akciyası bastaldı, dep habarlaydı Shalqar.kz.

Keñsay ziratı – ekinşi düniejüzilik soğıs ardagerleri men elimizdiñ körnekti twlğaları jerlengen qasietti orın. Mwnda Keñes Odağınıñ eki märte Batırı Talğat Bigeldinov, Halıq qaharmanı Rahımjan Qoşqarbaev, Qazaqstannıñ twñğış qorğanıs ministri Sağadat Nwrmağambetov, sonday-aq Keñes Odağınıñ Batırı äri Halıq qaharmanı Bauırjan Momışwlı sındı wlı twlğalar mäñgilik tınıs tapqan.

Igi şarağa şığarmaşılıq joğarı oqu orındarınıñ studentteri men eriktiler qatıstı. Olar zirat aumağın retke keltirip, tazalau jwmıstarın jürgizdi jäne batırlardıñ ruhına tağzım retinde gül şoqtarın qoydı.

Wyımdastıruşılardıñ aytuınşa, akciyanıñ maqsatı – ötkenge qwrmet körsetu, maydangerlerdiñ erligin wlıqtau jäne jastardıñ tarihi sanasın qalıptastıru.