ورالدا پوليتسەيلەر وز ومىرلەرىن قاتەرگە تىگىپ, تورتىنشى قاباتتان سەكىرمەك بولعان ايەلدى قۇتقارىپ قالدى, دەپ حابارلايدى Shalqar.kz.

تۇنگى ۋاقىتتا كەردەرى كوشەسىندەگى كوپقاباتتى ۇي تۇرعىندارى پوليتسيياعا شۇعىل حابارلاسقان. وقيعا ورنىنا پاترۋلьدىك پوليتسييانىڭ بىرنەشە ەكيپاجى دەرەۋ جەتكەن.

پوليتسييا كاپيتانى رايىمبەك گازەزوۆ تومەندە قالىپ, ايەلمەن بايلانىس ورناتىپ, ونىڭ ويىن باسقا جاققا بۇرۋعا تىرىسقان. ال كاپيتان بەرىك سييازباەۆ, لەيتەنانت فارحات عاليەۆ جانە اعا لەيتەنانت ميراس كاريمۋللين ۇشىنشى قابات ارقىلى بالكونعا كوتەرىلىپ, تورتىنشى قاباتتاعى ايەلدى دال ۋاقىتىندا ۇستاپ ۇلگەردى. قۇتقارۋشىلاردىڭ ۇيلەسىمدى جانە كاسىبي ارەكەتتەرىنىڭ ارقاسىندا قايعىلى جاعدايدىڭ الدىن الىندى.

ايەل قازىر دارىگەرلەردىڭ باقىلاۋىندا. پوليتسەيلەردىڭ باتىلدىعى مەن شاپشاڭدىعى كوپشىلىكتىڭ العىسىنا بولەندى.