1 mausımnan bastap “Oral – Mañğıstau” bağıtı boyınşa qatınaytın poyızda arnayı äyelder vagonı jwmıs istey bastadı. Bwl turalı Shalqar.kz “Jolauşılar tasımalı” AQ baspasöz qızmetine silteme jasap habarlaydı.

Jaña qızmettiñ arqasında elimizde äyelder vagonı bar bağıttardıñ sanı 12-ge jetti. Mwnday vagondarda biletter tek äyel jolauşılarğa satıladı, al qızmet körsetudi arnayı dayındıqtan ötken äyel jolserikter atqaradı. Sonımen qatar, jeti jasqa deyingi wl balalardıñ anası nemese qamqorşısımen birge jüruine rwqsat etiledi.

Äyelder vagonınan orın alğıñız kelse, vokzal kassasında arnayı swranıs jasauıñız kerek nemese bilet.railways.kz resmi saytınan onlayn satıp ala alasız. Onlayn brondau kezinde “ÄV” belgisine nazar audaru qajet.

Biletter poyızdıñ qozğaluına 45 kün qalğanda satılımğa şığadı, bwl sapardı aldın ala josparlauğa mümkindik beredi.

Büginde äyelder vagondarı kelesi bağıttarda qatınaydı:
 • Almatı – Mañğıstau (№77/78, №351/352),
 • Pavlodar – Türkistan (№45/46),
 • Mañğıstau – Semey (№37/38),
 • Atırau – Astana (№47/48),
 • Aqtöbe – Almatı (№33/34, №24/23),
 • Astana – Almatı (№4/3),
 • Astana – Şımkent (№71/72),
 • Astana – Semey (№354/353),
 • Almatı – Şımkent (№25/26),
 • Oral – Mañğıstau (№614/613).