قازاقستان مەديتسيناسىندا تاريحي وقيعا! قازاق ونكولوگييا جانە راديولوگييا عىلىمي-زەرتتەۋ ينستيتۋتىنىڭ (قازورعزي) دارىگەرلەرى ەلىمىزدە تۇڭعىش رەت روبوت كومەگىمەن ونكووپەراتسييا جاسادى. جوعارى تەحنولوگييالىق قۇرىلعى — Sage bot SR-2000 ارقىلى كۇردەلى وتا ساتتى اياقتالعان, دەپ حابارلايدى Shalqar.kz.

بۇل بىرەگەي وپەراتسييا ونكولوگييالىق دەرتتىڭ اۋىر ساتىسىندا جۇرگىزىلدى. ماماندار بۇيرەك, بۇيرەك ۇستى بەزى جانە زاقىمدانعان ليمفا تۇيىندەرىن تولىق الىپ تاستاعان.

روبوتتاندىرىلعان حيرۋرگييانىڭ ارتىقشىلىقتارى قانداي?
 • ىسىككە بارىنشا دال اسەر ەتۋ;
 • تىندەرگە زاقىم از تيەدى;
 • 3D-ۆيزۋاليزاتسييامەن ناقتى كورىنىس الىنادى;
 • ميكروجابدىقتاردىڭ مانەۆرلىگى جوعارى;
 • دارىگەرلەردىڭ فيزيكالىق جۇكتەمەسى ازايادى;
 • پاتسيەنتتەر ۇشىن قاۋىپسىزدىك جۇيەلەرى جەتىلدىرىلگەن.

قازورعزي ديرەكتورى ەربول بەكمۇحامبەتوۆ بۇل جەتىستىكتى وتاندىق ونكوحيرۋرگييادا جاڭا داۋىردىڭ باستاۋى دەپ اتادى:

«بىز ەڭ وزىق تەحنولوگييالاردى پايدالانا وتىرىپ, اۋىر دەرتكە شالدىققان ناۋقاستارعا جوعارى دەڭگەيدەگى كومەك كورسەتەمىز. بۇل – قازاقستانداعى ونكولوگييالىق ەمدەۋدىڭ جاڭا كەزەڭى».

بۇل وپەراتسييا قازاقستان مەديتسيناسىنىڭ دامىپ كەلە جاتقانىن جانە الەمدىك دەڭگەيگە ۇمتىلىسىن تاعى بىر دالەلدەدى. ەندى وتاندىق پاتسيەنتتەرگە زاماناۋي ارى تيىمدى ەم تۇرلەرى قولجەتىمدى بولا تۇسپەك.