Qazaqstan medicinasında tarihi oqiğa! Qazaq onkologiya jäne radiologiya ğılımi-zertteu institutınıñ (QazORĞZI) därigerleri elimizde twñğış ret robot kömegimen onkooperaciya jasadı. Joğarı tehnologiyalıq qwrılğı — Sage bot SR-2000 arqılı kürdeli ota sätti ayaqtalğan, dep habarlaydı Shalqar.kz.

Bwl biregey operaciya onkologiyalıq derttiñ auır satısında jürgizildi. Mamandar büyrek, büyrek üsti bezi jäne zaqımdanğan limfa tüyinderin tolıq alıp tastağan.

Robottandırılğan hirurgiyanıñ artıqşılıqtarı qanday?
 • İsikke barınşa däl äser etu;
 • Tinderge zaqım az tiedi;
 • 3D-vizualizaciyamen naqtı körinis alınadı;
 • Mikrojabdıqtardıñ manevrligi joğarı;
 • Därigerlerdiñ fizikalıq jüktemesi azayadı;
 • Pacientter üşin qauipsizdik jüyeleri jetildirilgen.

QazORĞZI direktorı Erbol Bekmwhambetov bwl jetistikti otandıq onkohirurgiyada jaña däuirdiñ bastauı dep atadı:

«Biz eñ ozıq tehnologiyalardı paydalana otırıp, auır dertke şaldıqqan nauqastarğa joğarı deñgeydegi kömek körsetemiz. Bwl – Qazaqstandağı onkologiyalıq emdeudiñ jaña kezeñi».

Bwl operaciya Qazaqstan medicinasınıñ damıp kele jatqanın jäne älemdik deñgeyge wmtılısın tağı bir däleldedi. Endi otandıq pacientterge zamanaui äri tiimdi em türleri qoljetimdi bola tüspek.