Qazaqstanda därigerler men medbikelerdiñ qauipsizdigin küşeytu üşin jaña jüye engiziledi — endi medicina qızmetkerleri videojeton tağıp jüretin boladı. Bwl turalı densaulıq saqtau ministri Aqmaral Älnazarova mälimdedi, dep habarlaydı Shalqar.kz.

Ministrdiñ sözinşe, videojetondar alğaş bolıp jedel järdem qızmetkerlerine beriledi. Joba Astana men Almatıda sınaqtan ötip ülgergen. Endi jıl soñına deyin özge qalalarğa da taratıladı. Al kelesi kezeñde emhanalar men ambulatoriya därigerleri men medbikeler de bwl qwrılğılarmen qamtıladı.

“Qazir bwl jüye boyınşa bwyrıq bekitildi. Kelesi kezekte emhanalıq buın – därigerler men medbikelerdiñ qauipsizdigi üşin jetondardı engizudi qolğa alıp jatırmız”, – dedi ministr ükimet otırısında.

Videojetondar medicina wyımdarı men jergilikti äkimdikter esebinen satıp alınadı. Jobanı tolıq iske asıru üşin aldımen zañnamalıq özgerister qajet. Ministrlik bwl jwmısqa şamamen üş ay uaqıt ketetinin aytadı.

Sonımen qatar, Densaulıq saqtau ministrligi qızmet barısında därigerlerge qol kötergen azamattardı qılmıstıq jauapkerşilikke tartu jöninde wsınıs engizip otır.