Қазақтың дәмі — енді әлем мойындаған бренд! TasteAtlas халықаралық гастрономиялық платформасы жариялаған «Әлемнің үздік 100 асханасы» рейтингінде Қазақстан 94-орынға жайғасты, деп хабарлайды Shalqar.kz.

Бұл тізімге әлемнің 100-ден астам елінің ұлттық тағамдары енген. Сарапшылар ас мәзірінің алуан түрлілігі, жергілікті өнімдердің сапасы мен ұлттық ерекшеліктерге басымдық берген.

«TasteAtlas-тың бұл тізімі — жай ғана рейтинг емес, бұл мәдени танылу. Қазақтың ет пен нанға негізделген қарапайым, бірақ қуатты тағамдары енді халықаралық деңгейде мойындалуда», – делінген жарияланымда.

Рейтингтегі үздік қазақ тағамдары:
 • Бесбармақ
 • Қазы-қарта, жал-жая
 • Баурсақ
 • Кеспе мен лағман
 • Шұжық
 • Құрт пен сары май
 • Шелпек, тоқаш, майпалау

TasteAtlas ұлттық тағамдарды дәм татып бағалаумен қатар, Алматы, Шымкент, Ақтау қалаларындағы үздік мейрамханалар мен дәмханаларды да атап көрсеткен.

Бұл рейтингтегі орнымыз — жай сандар емес. Бұл — ұлт тарихын, дастархан дәстүрін әлемге танытудың жарқын қадамы.