قازاقتىڭ دامى — ەندى الەم مويىنداعان برەند! TasteAtlas حالىقارالىق گاسترونومييالىق پلاتفورماسى جارييالاعان «الەمنىڭ ۇزدىك 100 اسحاناسى» رەيتينگىندە قازاقستان 94-ورىنعا جايعاستى, دەپ حابارلايدى Shalqar.kz.

بۇل تىزىمگە الەمنىڭ 100-دەن استام ەلىنىڭ ۇلتتىق تاعامدارى ەنگەن. ساراپشىلار اس مازىرىنىڭ الۋان تۇرلىلىگى, جەرگىلىكتى ونىمدەردىڭ ساپاسى مەن ۇلتتىق ەرەكشەلىكتەرگە باسىمدىق بەرگەن.

«TasteAtlas-تىڭ بۇل تىزىمى — جاي عانا رەيتينگ ەمەس, بۇل مادەني تانىلۋ. قازاقتىڭ ەت پەن نانعا نەگىزدەلگەن قاراپايىم, بىراق قۋاتتى تاعامدارى ەندى حالىقارالىق دەڭگەيدە مويىندالۋدا», – دەلىنگەن جارييالانىمدا.

رەيتينگتەگى ۇزدىك قازاق تاعامدارى:
 • بەسبارماق
 • قازى-قارتا, جال-جايا
 • باۋرساق
 • كەسپە مەن لاعمان
 • شۇجىق
 • قۇرت پەن سارى ماي
 • شەلپەك, توقاش, مايپالاۋ

TasteAtlas ۇلتتىق تاعامداردى دام تاتىپ باعالاۋمەن قاتار, الماتى, شىمكەنت, اقتاۋ قالالارىنداعى ۇزدىك مەيرامحانالار مەن دامحانالاردى دا اتاپ كورسەتكەن.

بۇل رەيتينگتەگى ورنىمىز — جاي ساندار ەمەس. بۇل — ۇلت تاريحىن, داستارحان داستۇرىن الەمگە تانىتۋدىڭ جارقىن قادامى.