1 مامىر – قازاقستان حالقىنىڭ بىرلىگى كۇنىنە وراي مەملەكەت باسشىسى قاسىم-جومارت توقاەۆ بارشا حالىقتى مەرەكەمەن قۇتتىقتادى. پرەزيدەنت بۇل كۇننىڭ ەلىمىز ۇشىن ايرىقشا مانى بار ەكەنىن اتاپ وتتى, دەپ حابارلايدى Shalqar.kz اقورداعا سىلتەمە جاساپ.

"قۇرمەتتى وتانداستار!

قازاقستان حالقىنىڭ بىرلىگى مەرەكەسى قۇتتى بولسىن!

بۇل – مەملەكەتىمىز ۇشىن ايرىقشا مانى بار مەيرام.

جۇرتىمىز ورتاق قۇندىلىقتارعا نەگىزدەلگەن جاسامپاز ماقساتتارعا جەتۋ جولىندا بار كۇش-جىگەرىن جۇمىلدىرىپ, بولاشاققا سەنىممەن قادام باسىپ كەلەدى. كەڭ بايتاق جەرىمىزدە تۇرلى ەتنوس وكىلدەرى وزارا كەلىسىمدە, تاتۋ-تاتتى ومىر سۇرىپ جاتىر.

بيىل قازاقستان حالقى اسسامبلەياسىنىڭ قۇرىلعانىنا 30 جىل تولدى. وسى بىرەگەي ۇيىم اۋەل باستان ەلىمىزدەگى بەيبىتشىلىك پەن تاتۋلىقتىڭ جارشىسىنا اينالدى. اسسامبلەيا ازاماتتارىمىزدىڭ وزارا قۇرمەتى مەن ىرىستى ىنتىماعىنا سۇيەنىپ, ۇلتتى ۇيىستىرۋعا ەلەۋلى ۇلەس قوسىپ كەلەدى.

حالقىمىزدىڭ اۋىزبىرشىلىگى مەن تىلەۋلeستىگىنىڭ ارقاسىندا مەملەكەتىمىز دامىپ, قولعا الىنعان اۋقىمدى رەفورمالار تابىستى جۇزەگە اسىرىلا بەرەدى.

ەلىمىز تەڭدىككە, وزارا سەنىمگە جانە مادەني ارالۋاندىلىقتىڭ جاسامپاز الەۋەتىنە ارقا سۇيەپ, ەل بىرلىگىن ودان ارى نىعايتا تۇسەدى.


بىز جۇرت بولىپ جۇمىلا بىلسەك, كەز-كەلگەن سىناقتى ەڭسەرىپ, بيىك بەلەستەردى باعىندىرامىز. ۇلتىمىزدىڭ ارمان-مۇراتى – ادىلەتتى ارى قۋاتتى قازاقستاندى بىرگە قۇرامىز.

بارشاڭىزعا باق-بەرەكە تىلەيمىن!

بىرلىگىمىز بەكەم, اسپانىمىز اشىق بولسىن!", – دەدى مەملەكەت باسشىسى.