1 mamır – Qazaqstan halqınıñ birligi künine oray Memleket basşısı Qasım-Jomart Toqaev barşa halıqtı merekemen qwttıqtadı. Prezident bwl künniñ elimiz üşin ayrıqşa mäni bar ekenin atap ötti, dep habarlaydı Shalqar.kz Aqordağa silteme jasap.

"Qwrmetti otandastar!

Qazaqstan halqınıñ birligi merekesi qwttı bolsın!

Bwl – memleketimiz üşin ayrıqşa mäni bar meyram.

Jwrtımız ortaq qwndılıqtarğa negizdelgen jasampaz maqsattarğa jetu jolında bar küş-jigerin jwmıldırıp, bolaşaqqa senimmen qadam basıp keledi. Keñ baytaq jerimizde türli etnos ökilderi özara kelisimde, tatu-tätti ömir sürip jatır.

Biıl Qazaqstan halqı Assambleyasınıñ qwrılğanına 30 jıl toldı. Osı biregey wyım äuel bastan elimizdegi beybitşilik pen tatulıqtıñ jarşısına aynaldı. Assambleya azamattarımızdıñ özara qwrmeti men ırıstı ıntımağına süyenip, wlttı wyıstıruğa eleuli üles qosıp keledi.

Halqımızdıñ auızbirşiligi men tileulestiginiñ arqasında memleketimiz damıp, qolğa alınğan auqımdı reformalar tabıstı jüzege asırıla beredi.

Elimiz teñdikke, özara senimge jäne mädeni äraluandılıqtıñ jasampaz äleuetine arqa süyep, el birligin odan äri nığayta tüsedi.


Biz jwrt bolıp jwmıla bilsek, kez-kelgen sınaqtı eñserip, biik belesterdi bağındıramız. Wltımızdıñ arman-mwratı – Ädiletti äri Quattı Qazaqstandı birge qwramız.

Barşañızğa baq-bereke tileymin!

Birligimiz bekem, aspanımız aşıq bolsın!", – dedi Memleket basşısı.