قازاقستان شەتەلدىك ينۆەستورلار ۇشىن جاڭا مۇمكىندىكتەر ۇسىنۋدا. ەندى كەمىندە 300 مىڭ اقش دوللارىن قۇياتىن شەتەل ازاماتتارى ەلىمىزدە 10 جىلعا دەيىن تۇرۋعا مۇمكىندىك بەرەتىن ينۆەستورلىق “التىن ۆيزانى” رەسىمدەي الادى, دەپ حابارلايدى Shalqar.kz.

ۆيزا الۋ ۇشىن ينۆەستيتسييانى قازاقستان كومپانييالارىنىڭ جارعىلىق كاپيتالىنا نەمەسە وتاندىق باعالى قاعازدارعا سالۋ قاجەت. وتىنىشتى ونلاين فورماتتا بەرۋگە بولادى.

سىم مالىمەتىنشە, بۇل باستاما الەمدىك تاجىريبەگە نەگىزدەلگەن. ەۋروپا ەلدەرى, اقش, باا جانە سينگاپۋر سەكىلدى مەملەكەتتەردە “التىن ۆيزا” باعدارلامالارى بۇرىننان قولدانىستا جانە ىسكەرلىك بەلسەندىلىكتى ارتتىرۋدا تيىمدىلىگىن دالەلدەگەن.

“قازاقستان دا وسى حالىقارالىق تاجىريبەگە قوسىلىپ, وزىنىڭ ينۆەستيتسييالىق رەزيدەنتتىك مودەلىن ۇسىنادى. بۇل قادام ەلىمىزدەگى ينۆەستيتسييالىق احۋالدىڭ بولجامدى ارى تۇراقتى بولۋىنا ىقپال ەتىپ, شەتەلدىك كاسىپكەرلەر ۇشىن زاڭدىق كەپىلدىكتەر بەرەدى”, – دەلىنگەن سىرتقى ىستەر مينيسترلىگىنىڭ حابارلاماسىندا.

جاڭا ەرەجە رەسمي جارييالانعاننان كەيىن 10 كۇن ىشىندە كۇشىنە ەنەدى.