Qazaqstan joldarınıñ sapası endi tek memlekettik baqılaumen şektelmeydi. Kölik ministrligi men «QazAvtoJol» wlttıq kompaniyası respublikalıq mañızı bar avtojoldardı baqılaudıñ jaña formatına köşti — «Halıqtıq baqılau» jobası iske qosıldı, dep habarlaydı Shalqar.kz.

Bwl bastama el azamattarın qoğamdıq baqılauğa belsendi aralasıp, jol infraqwrılımınıñ sapasın birge jaqsartuğa şaqıradı. Endi ärbir jürgizuşi men jolauşı kürejoldağı kemşilikterdi körsete aladı — aqaular, şwñqırlar, sapasız jöndeu jwmıstarı jaylı habar beruge mümkindik bar.

Jol sapasına üles qosqıñız kele me?
Bäri oñay: 1403 qısqa nömirine habarlasıp, ötinim qaldırsañız jetkilikti. Baylanıs ortalığı sizden atı-jöniñizdi, twrğılıqtı mekeniñiz ben baylanıs nömiriñizdi swraydı.

Qazirdiñ özinde elimizde 8800 şaqırım jolda jöndeu jwmıstarı jürip jatır:
 • 2100 şaqırımında — qwrılıs jäne qalpına keltiru,
 • 460 şaqırımında — kürdeli jöndeu,
 • 6300 şaqırımında — ortaşa jöndeu.

«Halıqtıq baqılau» şeñberinde jol qwrılıs nısandarına twraqtı türde şığu josparlanğan. Qay öñirde, qay jol tekseriletini turalı tolıq aqparat www.qaj.kz saytında jariyalanadı.

Bwl jüye arqılı halıq pen bilik arasında senim artıp, jol qwrılısı salasındağı aşıqtıq pen jauapkerşilik jaña deñgeyge köteriledi.