ماڭعىستاۋ وبلىسىنىڭ دارىندى وقۋشىسى رامازان بۋتانتاەۆ ازييا-تىنىق مۇحيتى لينگۆيستيكالىق وليمپياداسىندا (APLO-2025) ابسوليۋتتى جەڭىمپاز اتانىپ, قازاقستان تاريحىندا بۇرىن-سوڭدى بولماعان جەتىستىككە جەتتى, دەپ حابارلايدى Shalqar.kz وقۋ-اعارتۋ مينيستىرلىگىنە سىلتەمە جاساپ.

500-گە جۋىق وقۋشى قاتىسقان بەدەلدى حالىقارالىق جارىستا رامازان بارلىق قارسىلاسىن باسىپ وزىپ, التىن مەدالь يەلەندى. ول ماڭعىستاۋداعى IT-ليتسەيدىڭ 10-سىنىپ وقۋشىسى.

بۇل وليمپيادا — قىتاي, جاپونييا, وڭتۇستىك كورەيا, يران جانە باسقا دا ازييا-تىنىق مۇحيتى ەلدەرىنىڭ ەڭ ۇزدىك وقۋشىلارىن جينايتىن زيياتكەرلىك الاڭ. قازاقستان قۇراماسى بيىلعى جىلى بۇرىن-سوڭدى بولماعان جوعارى ناتيجە كورسەتتى: 5 مەدالь مەن 3 قۇرمەت گراموتاسى ەنشىلەگەن.

جەڭىمپازدار تىزىمى:
 • رامازان بۋتانتاەۆ (التىن مەدالь) — IT-ليتسەي, ماڭعىستاۋ وبلىسى
 • سامير سارباسوۆ — نزم, استانا
 • تيمۋر كانتاەۆ — «ارىستان» مەكتەبى, الماتى
 • زەرە سەرىكوۆا — №9 «زەردە» مەكتەبى, استانا
 • تەمىرلان سەيتباتتال — بيل, اقمولا وبلىسى

قۇرمەت گراموتاسى يەگەرلەرى:
 • يسلام سيپاتتالوۆ — بيل, اقتوبە
 • شىڭعىس قاراساەۆ — نزم, ورال
 • ارون حاسانوۆ — بيل, اتىراۋ

قازاقستان قۇراماسىن دايىنداعان — حالىقارالىق وليمپيادالاردىڭ جەڭىمپازى, تيۋبينگەن ۋنيۆەرسيتەتىنىڭ ستۋدەنتى ايدا داۆلەتوۆا.

APLO — وقۋشىلاردىڭ تىلدىك تۇيسىگى مەن لوگيكالىق ويلاۋ قابىلەتىن باعالايتىن حالىقارالىق جارىس. بۇل وليمپيادا – عىلىم مەن زيياتكەرلىككە جاقىن جاستار ۇشىن ۇلكەن مۇمكىندىك.