قازاقستاننىڭ وڭتۇستىك وڭىرلەرىندە كوكتەمگى ەگىس ناۋقانى اياقتالۋعا جاقىن. اۋىل شارۋاشىلىعى مينيسترلىگىنىڭ مالىمەتىنشە, بۇگىندە ەل اۋماعىندا 2,1 ميلليون گەكتاردان استام جەرگە ەگىن ەگىلدى, دەپ حابارلايدى Shalqar.kz.

ەگىس ناۋقانى اگروتەحنيكالىق تالاپتارعا ساي قارقىندى جۇرىپ جاتىر. اسىرەسە, تۇركىستان, جامبىل, جەتىسۋ جانە الماتى وبلىستارىندا جۇمىس بەلسەندى جۇرگىزىلۋدە. تۇركىستان وبلىسىندا – 449,2 مىڭ گەكتار, جامبىلدا – 306 مىڭ, جەتىسۋدا – 292,6 مىڭ, الماتى وبلىسىندا – 187,9 مىڭ گەكتار القاپقا دان سەبىلگەن.

سول سيياقتى ەگىس ناۋقانى ەلىمىزدىڭ باسقا ايماقتارىندا دا قىزۋ جۇرىپ جاتىر: شىعىس قازاقستاندا – 156,3 مىڭ گا, اباي وبلىسىندا – 138,8 مىڭ گا, قوستانايدا – 85 مىڭ گا, اقمولادا – 74,8 مىڭ گا, قىزىلوردادا – 52,5 مىڭ گا, پاۆلوداردا – 56,9 مىڭ گا جانە ت.ب.

شارۋالار دالا جۇمىستارىن باستاماس بۇرىن, 16,7 ملن گەكتار جەردىڭ ىلعالى جابىلدى, 6,1 ملن گەكتار جەرگە دەيىن سەبۋگە دايىندىق جاسالدى, ال 1,7 ملن گەكتار جەر جىرتىلدى.

بۇگىندە ەگىلگەن داقىلداردىڭ ناقتى كولەمى دە بەلگىلى:
 • داندى داقىلدار – 942,1 مىڭ گا
 • مال ازىعى – 242,8 مىڭ گا
 • مايلى داقىلدار – 492 مىڭ گا
 • ماقتا – 118,8 مىڭ گا
 • كوكونىستەر – 71,8 مىڭ گا
 • باقشا ونىمدەرى – 57,7 مىڭ گا
 • كارتوپ – 32,5 مىڭ گا
 • قانت قىزىلشاسى – 15,6 مىڭ گا
 • كۇرىش – 26,3 مىڭ گا

شارۋالاردى قولداۋعا باعىتتالعان بىرقاتار شارالار قابىلداندى. اتاپ ايتقاندا, ارزانداتىلعان ديزەلь وتىنى 254 تەڭگە/ليتر باعامەن بولىندى (نارىقتىق باعادان 15% تومەن). سونىمەن قاتار 866,8 مىڭ توننا مينەرالدى تىڭايتقىش جەتكىزۋگە شارت جاسالعان.

اۋىل شارۋاشىلىعى مينيسترلىگىنىڭ مالىمەتىنشە, تۇقىم قاجەتتىلىگى تولىق قامتاماسىز ەتىلگەن – 2,3 ملن توننا. ونىڭ 99%-ى زەرتحانالىق تەكسەرىستەن وتىپ, كونديتسييالىق دەپ تانىلدى.

مينيسترلىك ەگىس بارىسىنا مونيتورينگ جۇرگىزۋدى جالعاستىرىپ, ادىستەمەلىك جانە ۇيىمداستىرۋشىلىق قولداۋ كورسەتىپ وتىر.