Qazaqstannıñ oñtüstik öñirlerinde köktemgi egis nauqanı ayaqtaluğa jaqın. Auıl şaruaşılığı ministrliginiñ mälimetinşe, büginde el aumağında 2,1 million gektardan astam jerge egin egildi, dep habarlaydı Shalqar.kz.

Egis nauqanı agrotehnikalıq talaptarğa say qarqındı jürip jatır. Äsirese, Türkistan, Jambıl, Jetisu jäne Almatı oblıstarında jwmıs belsendi jürgizilude. Türkistan oblısında – 449,2 mıñ gektar, Jambılda – 306 mıñ, Jetisuda – 292,6 mıñ, Almatı oblısında – 187,9 mıñ gektar alqapqa dän sebilgen.

Sol siyaqtı egis nauqanı elimizdiñ basqa aymaqtarında da qızu jürip jatır: Şığıs Qazaqstanda – 156,3 mıñ ga, Abay oblısında – 138,8 mıñ ga, Qostanayda – 85 mıñ ga, Aqmolada – 74,8 mıñ ga, Qızılordada – 52,5 mıñ ga, Pavlodarda – 56,9 mıñ ga jäne t.b.

Şarualar dala jwmıstarın bastamas bwrın, 16,7 mln gektar jerdiñ ılğalı jabıldı, 6,1 mln gektar jerge deyin sebuge dayındıq jasaldı, al 1,7 mln gektar jer jırtıldı.

Büginde egilgen daqıldardıñ naqtı kölemi de belgili:
 • Dändi daqıldar – 942,1 mıñ ga
 • Mal azığı – 242,8 mıñ ga
 • Maylı daqıldar – 492 mıñ ga
 • Maqta – 118,8 mıñ ga
 • Kökönister – 71,8 mıñ ga
 • Baqşa önimderi – 57,7 mıñ ga
 • Kartop – 32,5 mıñ ga
 • Qant qızılşası – 15,6 mıñ ga
 • Küriş – 26,3 mıñ ga

Şarualardı qoldauğa bağıttalğan birqatar şaralar qabıldandı. Atap aytqanda, arzandatılğan dizel' otını 254 teñge/litr bağamen bölindi (narıqtıq bağadan 15% tömen). Sonımen qatar 866,8 mıñ tonna mineraldı tıñaytqış jetkizuge şart jasalğan.

Auıl şaruaşılığı ministrliginiñ mälimetinşe, twqım qajettiligi tolıq qamtamasız etilgen – 2,3 mln tonna. Onıñ 99%-ı zerthanalıq tekseristen ötip, kondiciyalıq dep tanıldı.

Ministrlik egis barısına monitoring jürgizudi jalğastırıp, ädistemelik jäne wyımdastıruşılıq qoldau körsetip otır.