Astanada Jeñistiñ 80 jıldığına arnalğan äskeri parad ötti. Ayrıqşa şarada söz söylegen Prezident Qasım-Jomart Toqaev bwl künniñ tek tarihi ğana emes, ruhani mäniniñ zor ekenin atap ötti, dep habarlaydı Shalqar.kz Aqordağa silteme jasap.

"Biıl Wlı Jeñiske – 80 jıl! Barşañızğa Wlı Jeñis küni qwttı bolsın! Bwl meyram – halqımızdıñ jauıngerlik ruhınıñ simvolı. Biz eldik üşin küresken batır babalardı wlıqtaymız. Otan qorğau jolında opat bolğan bozdaqtarğa tağzım etemiz. Beybit kündi qırağı küzetip twrğan sarbazdarğa qwrmet körsetemiz”, - dedi Memleket basşısı.

Prezident mälimetinşe, soğıs jıldarı maydanğa 1 million 200 mıñnan astam qazaqstandıq attanıp, olardıñ jartısı otan üşin janın qidı. Keñes Odağınıñ Batırı atanğan 500-den astam jauıngerdiñ esimi tarihta altın ärippen jazıldı. Batırlar qatarında Bauırjan Momışwlı, Mänşük Mämetova, Äliya Moldağwlova, Raqımjan Qoşqarbaev jäne basqa da qaharmandar bar.

Sonımen qatar, tıldağı eñbekkerlerdiñ erligin de erekşe atap ötti. Qazaqstannan maydanğa mıñdağan vagon azıq-tülik pen kiim-keşek jöneltildi. Qısqa uaqıt işinde jaña öndirister iske qosılıp, soğısqa qajetti oq-däri men qaru-jaraq dayındaldı. On oqtıñ toğızı qazaq jerinde jasalğanı – sonıñ ayğağı.

Memleket basşısı söz soñında bükil eldi Jeñistiñ 80 jıldığımen qwttıqtap, jarqın bolaşaq üşin jwmıla eñbek etuge şaqırdı.