Жеңістің 80 жылдығына арналған мерекелік шараларға байланысты 9 мамыр күні Алматының кейбір көшелерінде көлік қозғалысы уақытша тоқтайды, ал ондаған автобус бағыты өзгереді. Бұл туралы қала әкімдігі мәлімдеді, деп хабарлайды Shalqar.kz.

Қай көшелер жабылады?
Сағат 07:00-ден 12:00-ге дейін мына көшелерде қозғалыс шектеледі:
 • Қонаев
 • Жібек жолы
 • Қазыбек би
 • Бәрібаев

Сонымен қатар, Гоголь көшесі (Орталық саябақтан Қонаев көшесіне дейін) толығымен жабылады. Әкімдік жүргізушілерден бұл көше бойына көлік қалдырмауды сұрайды.

Қоғамдық көлік қалай өзгереді?
28 гвардияшы-панфиловшылар саябағынан бірқатар бағыт бойынша тегін автобус қатынайды:
 • Достық даңғылы – Абай алаңы – Орталық стадион
 • Қалдаяқов көшесі – Халық Арена
 • Гоголь – Райымбек даңғылы / Абылай хан
 • Қонаев – “Сәлем” базары
 • Гоголь – Алматы Арена

Жолаушыларға кеңес:
Мүмкіндігінше балама жолдарды таңдаңыз және жүру бағытыңызды алдын ала жоспарлаңыз.

Айта кетейік, сол күні қалада дрондар шоуы да өтеді.