Қазақстан президенті Қасым-Жомарт Тоқаев Ресей астанасы Мәскеуге ресми сапармен барды. Сапар мақсаты – Ұлы Жеңістің 80 жылдығына арналған халықаралық деңгейдегі салтанатты іс-шараларға қатысу. Мемлекет басшысы бұл сапарға Ресей президенті Владимир Путиннің арнайы шақыруымен аттанды, деп хабарлайды Shalqar.kz сайты Ақордаға сілтеме жасап.

Ақорданың хабарлауынша, Тоқаев Мәскеуде басқа да шет мемлекеттердің басшыларымен бірқатар маңызды кездесулер өткізеді деп жоспарланған.

Бұған дейін, 7 мамырда Астанада Ұлы Жеңістің 80 жылдығына арналған әскери парад өткен болатын. Оған 4 мыңнан аса әскери қызметкер, 200-ден астам әскери техника мен 66 ұшақ пен тікұшақ қатысқан еді.

Салтанатты шараға Вьетнам Коммунистік партиясы Орталық комитетінің бас хатшысы То Лам да құрметті қонақ ретінде қатысқан.

Мәскеудегі шаралар – Қазақстан мен Ресей арасындағы тарихи байланыстар мен стратегиялық әріптестіктің көрінісі ретінде қарастырылып отыр.