قازاقستاندا الەۋمەتتىك ماڭىزى بار كەيبىر ازىق-تۇلىك تاۋارلارىنىڭ باعاسى تومەندەدى. اتاپ ايتقاندا, جۇمىرتقا, سۇت, ەت ارزانداپ, ۇن, نان, كۇرىش جانە روجكي باعاسى وزگەرىسسىز قالدى, دەپ حابارلايدى Shalqar.kz.

قانداي ونىمدەر ارزاندادى?
2025 جىلدىڭ 22–29 ساۋىر ارالىعىنداعى دەرەك بويىنشا:
 • جۇمىرتقا – 0,5%
 • سۇزبە – 0,2%
 • سارى ماي, سيىر ەتى, تاۋىق ەتى, سۇت – 0,1%-عا ارزانداعان.
ۇن, نان, كۇرىش پەن روجكي باعاسىندا وزگەرىس جوق.

ساۋدا جانە ينتەگراتسييا مينيسترلىگى وتكىزگەن جيىندا سيىر ەتىنىڭ باعاسى جەكە تالقىلاندى. قابىلدانعان شارالار ناتيجەسىندە باعا وسىمى بىر اپتادا 0,3%-دان 0,1%-عا دەيىن تومەندەگەن.
ماڭىزدى شەشىمدەر قاتارىندا:
 • ىرى قارا مالدى ەلدەن شىعارۋعا ۇش ايلىق تىيىم
 • دەلدالسىز اۋىل شارۋاشىلىعى جارمەڭكەلەرىن كۇندەلىكتى وتكىزۋ

ازىق-تۇلىك نارىعى قالاي تۇراقتالادى?
 • شەكاراداعى باقىلاۋ كۇشەيتىلەدى
 • رۇقساتسىز اۋىل شارۋاشىلىعى ونىمدەرىن شىعارۋعا جول بەرىلمەيدى
 • ايماقتارداعى جارمەڭكەلەر سانى كوبەيەدى
 • جەرگىلىكتى وندىرۋشىلەر تىكەلەي قاتىسادى
 • جىلجىمالى ۆەتەرينارلىق زەرتحانالارمەن جابدىقتاۋ قاراستىرىلىپ جاتىر

ىشكى نارىقتى تولىقتىرۋ ۇشىن يمپورتتىق كوكونىستەر جەتكىزۋ, ولاردى شەكارادا جەدەل راسىمدەۋ جانە ارنايى «جاسىل دالىز» ىسكە قوسۋ دا جوسپاردا.