قازاقستان پرەزيدەنتى قاسىم-جومارت توقاەۆ رەسەي استاناسى ماسكەۋگە رەسمي ساپارمەن باردى. ساپار ماقساتى – ۇلى جەڭىستىڭ 80 جىلدىعىنا ارنالعان حالىقارالىق دەڭگەيدەگى سالتاناتتى ىس-شارالارعا قاتىسۋ. مەملەكەت باسشىسى بۇل ساپارعا رەسەي پرەزيدەنتى ۆلاديمير پۋتيننىڭ ارنايى شاقىرۋىمەن اتتاندى, دەپ حابارلايدى Shalqar.kz سايتى اقورداعا سىلتەمە جاساپ.

اقوردانىڭ حابارلاۋىنشا, توقاەۆ ماسكەۋدە باسقا دا شەت مەملەكەتتەردىڭ باسشىلارىمەن بىرقاتار ماڭىزدى كەزدەسۋلەر وتكىزەدى دەپ جوسپارلانعان.

بۇعان دەيىن, 7 مامىردا استانادا ۇلى جەڭىستىڭ 80 جىلدىعىنا ارنالعان اسكەري پاراد وتكەن بولاتىن. وعان 4 مىڭنان اسا اسكەري قىزمەتكەر, 200-دەن استام اسكەري تەحنيكا مەن 66 ۇشاق پەن تىكۇشاق قاتىسقان ەدى.

سالتاناتتى شاراعا ۆьەتنام كوممۋنيستىك پارتيياسى ورتالىق كوميتەتىنىڭ باس حاتشىسى تو لام دا قۇرمەتتى قوناق رەتىندە قاتىسقان.

ماسكەۋدەگى شارالار – قازاقستان مەن رەسەي اراسىنداعى تاريحي بايلانىستار مەن ستراتەگييالىق ارىپتەستىكتىڭ كورىنىسى رەتىندە قاراستىرىلىپ وتىر.