Qazaqstan prezidenti Qasım-Jomart Toqaev Resey astanası Mäskeuge resmi saparmen bardı. Sapar maqsatı – Wlı Jeñistiñ 80 jıldığına arnalğan halıqaralıq deñgeydegi saltanattı is-şaralarğa qatısu. Memleket basşısı bwl saparğa Resey prezidenti Vladimir Putinniñ arnayı şaqıruımen attandı, dep habarlaydı Shalqar.kz saytı Aqordağa silteme jasap.

Aqordanıñ habarlauınşa, Toqaev Mäskeude basqa da şet memleketterdiñ basşılarımen birqatar mañızdı kezdesuler ötkizedi dep josparlanğan.

Bwğan deyin, 7 mamırda Astanada Wlı Jeñistiñ 80 jıldığına arnalğan äskeri parad ötken bolatın. Oğan 4 mıñnan asa äskeri qızmetker, 200-den astam äskeri tehnika men 66 wşaq pen tikwşaq qatısqan edi.

Saltanattı şarağa V'etnam Kommunistik partiyası Ortalıq komitetiniñ bas hatşısı To Lam da qwrmetti qonaq retinde qatısqan.

Mäskeudegi şaralar – Qazaqstan men Resey arasındağı tarihi baylanıstar men strategiyalıq äriptestiktiñ körinisi retinde qarastırılıp otır.