استانادا مەديتسيناداعى جاساندى ينتەللەكت پەن روبوتوتەحنيكا سالاسىنداعى ماڭىزدى باستامالاردىڭ بىرى – جي جانە روبوتوتەحنيكا بويىنشا العاشقى حالىقارالىق كونفەرەنتسييا (AIR 2025) وتىپ جاتىر, دەپ حابارلايدى Shalqar.kz.

كونفەرەنتسييادا مەديتسينادا جاساندى ينتەللەكت پەن روبوتتاردى قولدانۋ, حيرۋرگييالىق تەحنولوگييالار جانە وڭالتۋ جۇيەلەرى تالقىلانۋدا. ىس-شاراعا الەمنىڭ 18 ەلىنەن كەلگەن 95 عىلىمي مەكەمەنىڭ جەتەكشى عالىمدارى قاتىسۋدا.

قر تسيفرلىق دامۋ, يننوۆاتسييالار جانە اەروعارىش ونەركاسىبى مينيسترى جاسلان ماديەۆتىڭ ايتۋىنشا, قازاقستانداعى مەديتسينالىق تەحنولوگييالار نارىعى 747,5 ملن اقش دوللارىنا باعالانادى جانە بۇل سالادا جي مەن روبوتوتەحنيكانىڭ الەۋەتى زور.

– AIR 2025 اياسىنداعى تالقىلاۋلار مينيسترلىكتىڭ باسىم باعىتتارىنا ساي كەلەدى. بىز تسيفرلىق ينفراقۇرىلىم مەن جي ستراتەگيياسىن دامىتىپ, عىلىمي ەكوجۇيەلەردى قولداۋعا باسىمدىق بەرىپ وتىرمىز. نازارباەۆ ۋنيۆەرسيتەتى جانىنداعى مەديتسينالىق روبوتوتەحنيكا ورتالىعى (CEMRR) جانە ونىڭ حالىقارالىق سەرىكتەستەرى قولدانبالى يننوۆاتسييانىڭ جارقىن ۇلگىسىن كورسەتىپ وتىر, – دەدى مينيستر.

CEMRR ورتالىعىندا جۇمىس ىستەيتىن عالىمدار مەن ستۋدەنتتەر مۇگەدەكتەرگە ارنالعان روبوتتىق وڭالتۋ ادىستەرىن, حيرۋرگييالىق پروتسەستەردى اۆتوماتتاندىرۋ جانە جي نەگىزىندەگى دياگنوستيكالىق جۇيەلەردى زەرتتەپ, ازىرلەۋدە. سوڭعى ەكى جىلدا ورتالىق 6 بەدەلدى حالىقارالىق گرانت يەلەنىپ, كولۋمبييا, ليدس, كۆينسلەند تەحنولوگييالىق جانە شانحاي ۋنيۆەرسيتەتتەرىمەن سەرىكتەستىك ورناتقان.

CEMRR عىلىمي جەتەكشىسى, NU قاۋىمداستىرىلعان پروفەسسورى پراشانت دجامۆال ورتالىقتىڭ ورتوپەدييا مەن ونكولوگييا سالاسىندا جي مەن كومپьيۋتەرلىك كورۋ تەحنولوگييالارىن ەنگىزىپ جاتقانىن اتاپ وتتى.

– بىز سۇيەك سىنىقتارىن قالپىنا كەلتىرۋگە ارنالعان روبوت پەن پاتسيەنتتەردىڭ جۇرۋ قابىلەتىن قالپىنا كەلتىرەتىن جۇيەلەر جاساپ, كوممەرتسييالاندىرۋ جۇمىستارىن جۇرگىزىپ جاتىرمىز, – دەدى ول.

كونفەرەنتسييا بارىسىندا 100-دەن استام عىلىمي بايانداما ۇسىنىلادى. گەرمانييالىق پروفەسسور بحاسكار چۋبەي MedTech قۇرىلعىلارى تۋرالى, ال بريتاندىق ونكولوگ, پروفەسسور بحارات دجاساني جي-دىڭ دياگنوستيكاداعى رولى جايلى بايانداما جاسايدى. سونداي-اق پروفەسسور رولاند گەككە (اۆسترالييا) ەموتسييالار مەن بەت الپەتتى تانۋ تەحنولوگيياسىن تانىستىرسا, پروفەسسور شان سە (ۇلىبريتانييا) تەلەمەديتسينا مەن كيىلەتىن قۇرىلعىلار بويىنشا سوڭعى جەتىستىكتەرمەن بولىسەدى.

Nazarbayev University ۇيىمداستىرعان بۇل كونفەرەنتسييا – عالىمدار مەن سالا ماماندارىنا وزىق يدەيالارمەن الماسۋعا مۇمكىندىك بەرەتىن بىرەگەي الاڭ. كونفەرەنتسييا ماتەريالدارى Springer باسىلىمىندا جارييالانىپ, SCOPUS, DBLP, INSPEC سيياقتى دەرەكقورلاردا يندەكستەلەدى.