Маусым айында қазақстандықтарды жағымды жаңалық күтіп тұр – Құрбан айт мерекесіне орай ел тұрғындары ұзақ демалысқа шығады, деп хабарлайды Shalqar.kz сайты eGov порталына сілтеме жасап.

“Электрондық үкімет” порталындағы ресми күнтізбеге сәйкес, 2025 жылы Құрбан айттың бірінші күні жұма – 6 маусымға түсіп тұр. Бұл күн – ресми түрде демалыс күні ретінде белгіленген.

Осылайша, 6, 7 және 8 маусым күндері қатарынан үш күн демалыс болады. Ал 9 маусым, дүйсенбі – жұмыс күні.

Айта кетейік, Құрбан айт – мұсылмандардың ең ұлық мейрамдарының бірі. Ол қажылық сапарының аяқталғанын білдіреді және жан мен тәнді тазартып, жақсылық жасауға үндейтін рухани мейрам саналады.