Qazaqstanda sozılmalı auruı bar azamattarğa därigerdiñ qabıldauına barmay-aq, recept alu mümkindigi qarastırılıp jatır. Bwl turalı prem'er-ministrdiñ orınbasarı Ermek Köşerbaev mälimdedi, dep habarlaydı Shalqar.kz.

Onıñ aytuınşa, 2023 jıldıñ şildesinen beri dispanserlik esepte twrğan pacientterge üş ayğa deyingi merzimge däri-därmekke recept jazu mümkindigi berilgen. Receptter emhanalarda QR-kod, SMS-kod nemese qağaz türinde räsimdeledi. Qazir bwl jüye “Äleumettik ämiyan” jobası ayasında 744 medicinalıq wyımdı qamtıp otır.

Ermek Köşerbaevtıñ sözinşe, aldağı uaqıtta orta medicinalıq qızmetkerler — yağni, medbikeler därigerdiñ tağayındauı bolğan jağdayda özderi recept jaza aladı. Bwl äsirese sozılmalı aurumen ömir süretin azamattar üşin öte tiimdi. Sebebi olar recept alu üşin därigerge kezekke twrmay-aq, emhanalarda medbikege jüginip, qajetti därilerin ala aladı.

Sonımen qatar, densaulıq saqtau ministrligi satıp alınatın därilik zattar tizimin qayta qarap jatır. Qoldanıstan şıqqan däriler alınıp tastalıp, olardıñ ornına jaña innovaciyalıq preparattar qosılğan. Qazir bwl özgerister memlekettik organdarda kelisu kezeñinde.

Jañartılğan tizimde 19 jaña däri bar, al 172 därilik zat pen medicinalıq bwyım alıp tastalğan. Sonday-aq, 2025 jıldıñ säuirinen bastap ölim-jitim men ömir süru wzaqtığına äser etpeytin 32 auru türi ambulatoriyalıq qamtamasız etu tiziminen şığarılğan.

Bwdan bölek, 12 äleumettik mañızı bar auru TMKKK (tegin medicinalıq kömek) paketiniñ ornına MÄMS (mindetti äleumettik medicinalıq saqtandıru) jüyesine auıstırıladı.