مەملەكەت الەۋمەتتىك وسال توپتاعى ازاماتتاردى جۇمىسقا ورنالاستىرۋمەن قاتار, وز ىسىن باستاۋعا دا قولداۋ كورسەتىپ وتىر. ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە, 2025 جىلدىڭ باسىنان بەرى 14,9 مىڭنان استام مۇگەدەكتىگى بار ادامعا جۇمىسپەن قامتۋ شارالارى كورسەتىلگەن, دەپ حابارلايدى Shalqar.kz.

بۇگىندە ەرەكشە قاجەتتىلىگى بار 108,9 مىڭ ادام ەڭبەككە تارتىلعان. بۇل – مۇگەدەكتىگى بار ازاماتتاردىڭ جالپى سانىنىڭ 28,9%-ى. جالپى, ەلىمىزدە 737,4 مىڭ مۇمكىندىگى شەكتەۋلى جان بار. ونىڭ 376,7 مىڭى ەڭبەككە قابىلەتتى جاستا.

جۇمىسقا ورنالاسۋعا ارنالعان نەگىزگى باعدارلامالار:
 • قوعامدىق جۇمىستار – 3248 ادام
 • تۇراقتى جۇمىس ورىندارى – 874 ادام
 • الەۋمەتتىك جۇمىس ورىندارى – 191 ادام
 • جاستار پراكتيكاسى – 80 ادام
 • «كۇمىس جاس» جوباسى – 333 ادام
 • «العاشقى جۇمىس ورنى» جوباسى – 4 ادام

بيزنەس باستاۋعا قولداۋ:
 • 1,3 مىڭ ادام كاسىپكەرلىك نەگىزدەرىنە وقىتىلدى
 • 726 ادام وقۋدى اياقتاپ, سەرتيفيكات الدى
 • الەۋمەتتىك وسال توپتارعا 400 اەك (شامامەن 1,5 ملن تەڭگە) كولەمىندە مەملەكەتتىك گرانتتار بەرىلەدى

سونىمەن قاتار, 2018 جىلدان بەرى مۇگەدەكتىگى بار ادامداردى جۇمىسقا ورنالاستىرۋ ۇشىن ارنايى جۇمىس ورىندارىن جابدىقتاۋعا كەتكەن شىعىنداردى وتەۋ ۇشىن جۇمىس بەرۋشىلەرگە سۋبسيدييا بەرىلەدى. بۇگىندە وسىنداي 226 ارنايى جۇمىس ورنى قۇرىلعان.