Memleket äleumettik osal toptağı azamattardı jwmısqa ornalastırumen qatar, öz isin bastauğa da qoldau körsetip otır. Eñbek jäne halıqtı äleumettik qorğau ministrliginiñ mälimetinşe, 2025 jıldıñ basınan beri 14,9 mıñnan astam mügedektigi bar adamğa jwmıspen qamtu şaraları körsetilgen, dep habarlaydı Shalqar.kz.

Büginde erekşe qajettiligi bar 108,9 mıñ adam eñbekke tartılğan. Bwl – mügedektigi bar azamattardıñ jalpı sanınıñ 28,9%-ı. Jalpı, elimizde 737,4 mıñ mümkindigi şekteuli jan bar. Onıñ 376,7 mıñı eñbekke qabiletti jasta.

Jwmısqa ornalasuğa arnalğan negizgi bağdarlamalar:
 • Qoğamdıq jwmıstar – 3248 adam
 • Twraqtı jwmıs orındarı – 874 adam
 • Äleumettik jwmıs orındarı – 191 adam
 • Jastar praktikası – 80 adam
 • «Kümis jas» jobası – 333 adam
 • «Alğaşqı jwmıs ornı» jobası – 4 adam

Biznes bastauğa qoldau:
 • 1,3 mıñ adam käsipkerlik negizderine oqıtıldı
 • 726 adam oqudı ayaqtap, sertifikat aldı
 • Äleumettik osal toptarğa 400 AEK (şamamen 1,5 mln teñge) köleminde memlekettik granttar beriledi

Sonımen qatar, 2018 jıldan beri mügedektigi bar adamdardı jwmısqa ornalastıru üşin arnayı jwmıs orındarın jabdıqtauğa ketken şığındardı öteu üşin jwmıs beruşilerge subsidiya beriledi. Büginde osınday 226 arnayı jwmıs ornı qwrılğan.