تسيفرلىق داۋىردە جاساندى ينتەللەكتسىز بولاشاقتى ەلەستەتۋ قيىن. الايدا بۇل تەحنولوگييانىڭ جىلدام دامۋى ونى زاڭمەن رەتتەۋدى قاجەت ەتىپ وتىر. ماجىلىس دەپۋتاتتارى وسى ماسەلەگە ناقتى قادام جاسادى — “جاساندى ينتەللەكت تۋرالى” جاڭا زاڭ جوباسىن ازىرلەدى, دەپ حابارلايدى Shalqar.kz.

بۇگىن ماجىلىستىڭ جالپى وتىرىسىندا دەپۋتات ەكاتەرينا سمىشلياەۆا اتالعان زاڭ جوباسىن تانىستىرىپ, ونىڭ باستى ماقساتىن تۇسىندىردى: تەحنولوگييانىڭ دامۋىن تەجەمەي, سونىمەن بىرگە ازاماتتاردىڭ قاۋىپسىزدىگىن قامتاماسىز ەتۋ.

زاڭ نە ۇشىن قاجەت?

سمىشلياەۆانىڭ ايتۋىنشا, زاڭ جوباسى ۇش نەگىزگى مىندەتتى شەشۋگە باعىتتالعان:
 1. ازاماتتاردىڭ قۇقىقتارىن قورعاۋ
جي تەحنولوگيياسىن قولدانۋ بارىسىندا پايدالانۋشىلاردىڭ دەرەكتەرى مەن جەكە ومىرىنىڭ قاۋىپسىزدىگى باستى ورىندا. بارلىق پروتسەسس اشىق ارى سەنىمدى بولۋى تيىس.
 2. دامۋعا جول اشاتىن ناقتى ەرەجە
زاڭ ازىرلەۋشىلەر مەن ينۆەستورلار ۇشىن ايقىن “ويىن ەرەجەلەرىن” بەلگىلەيدى. بۇل – جي سالاسىنا سەنىمدى ارتتىرىپ, ينۆەستيتسييا تارتۋعا مۇمكىندىك بەرەدى.
 3. مەملەكەتتىڭ رولى مەن جاۋاپكەرشىلىگى
جاساندى ينتەللەكت ەكونوميكانىڭ اجىراماس بولىگىنە اينالىپ جاتقاندا, مەملەكەتتىڭ رەتتەۋشى رەتىندەگى ورنى دا زاڭمەن ناقتىلانباق.