Cifrlıq däuirde jasandı intellektsiz bolaşaqtı elestetu qiın. Alayda bwl tehnologiyanıñ jıldam damuı onı zañmen retteudi qajet etip otır. Mäjilis deputattarı osı mäselege naqtı qadam jasadı — “Jasandı intellekt turalı” jaña zañ jobasın äzirledi, dep habarlaydı Shalqar.kz.

Bügin Mäjilistiñ jalpı otırısında deputat Ekaterina Smışlyaeva atalğan zañ jobasın tanıstırıp, onıñ bastı maqsatın tüsindirdi: tehnologiyanıñ damuın tejemey, sonımen birge azamattardıñ qauipsizdigin qamtamasız etu.

Zañ ne üşin qajet?

Smışlyaevanıñ aytuınşa, zañ jobası üş negizgi mindetti şeşuge bağıttalğan:
 1. Azamattardıñ qwqıqtarın qorğau
JI tehnologiyasın qoldanu barısında paydalanuşılardıñ derekteri men jeke ömiriniñ qauipsizdigi bastı orında. Barlıq process aşıq äri senimdi boluı tiis.
 2. Damuğa jol aşatın naqtı ereje
Zañ äzirleuşiler men investorlar üşin ayqın “oyın erejelerin” belgileydi. Bwl – JI salasına senimdi arttırıp, investiciya tartuğa mümkindik beredi.
 3. Memlekettiñ röli men jauapkerşiligi
Jasandı intellekt ekonomikanıñ ajıramas böligine aynalıp jatqanda, memlekettiñ retteuşi retindegi ornı da zañmen naqtılanbaq.