Жазғы демалысты Ыстықкөлде өткізгісі келетіндер үшін жақсы жаңалық: 2025 жылғы 3 шілдеден бастап FlyArystan әуекомпаниясы Алматы мен Қырғызстандағы Ыстықкөл (Тамшы) арасындағы тікелей рейстерді іске қосады, деп хабарлайды Shalqar.kz.

Рейстер аптасына екі рет – бейсенбі және жексенбі күндері орындалады. Ұшу ұзақтығы небәрі 55 минут, ал қайтар жол – 1 сағат. Жол жүру уақыты жерүсті көлігімен 5-7 сағатқа дейін созылатынын ескерсек, бұл – айтарлықтай үнем.

Ұшу кестесі:
 • Бейсенбі:
Алматы – 15:05 → Тамшы – 17:00
Тамшы – 18:00 → Алматы – 18:00
 • Жексенбі:
Алматы – 13:15 → Тамшы – 15:10
Тамшы – 16:10 → Алматы – 16:10

Билеттер бағасы бір бағытқа – 24 000 теңгеден басталады (“Комфорт” тарифімен).

Айта кетейік, жақын арада Қазақстан мен Иордания арасында да тікелей рейс ашылуы мүмкін.