ينجەنەر بولعىسى كەلەتىن جاستار ۇشىن كەرەمەت جاڭالىق! ساتباەۆ ۋنيۆەرسيتەتى مەن الەمدىك ۇزدىك تەحنيكالىق وقۋ ورىندارىنىڭ بىرى – كولورادو تاۋ-كەن مەكتەبى ينجەنەر مامانداردى بىرلەسىپ دايارلاۋعا كەلىسىم جاسادى, دەپ حابارلايدى Shalqar.kz.

جاڭا باعدارلاما اياسىندا ستۋدەنتتەر قازاقستان مەن اقش-تا وقىپ, قوس ديپلوم الىپ شىعادى. بۇل 3+1+1 فورماتى بويىنشا جۇزەگە اسادى: ۇش جىل – ساتباەۆتا, بىر جىل – كولورادو تاۋ-كەن مەكتەبىندە, تاعى بىر جىل – ماگيستراتۋرا. سونىمەن قاتار ەكى ۋنيۆەرسيتەت بىرلەسكەن عىلىمي-زەرتتەۋ جوبالارىن دامىتپاق.

كەلىسىمگە اقش-تا وتكەن رەسمي كەزدەسۋدە ساتباەۆ ۋنيۆەرسيتەتىنىڭ حالىقارالىق ىنتىماقتاستىق جانە ستراتەگييالىق دامۋ جونىندەگى پرورەكتورى سامعات ەرمەكباەۆ پەن كولورادو تاۋ-كەن مەكتەبىنىڭ جاھاندىق باستامالار جونىندەگى ۆيتسە-پرەزيدەنتى دجون برەدفورد قول قويدى.

نەگە بۇل ماڭىزدى?
 • كولورادو تاۋ-كەن مەكتەبى – دۇنيەجۇزىندەگى №1 تاۋ-كەن ينجەنەريياسى وقۋ ورنى (QS رەيتينگى, 2025).
 • ۋنيۆەرسيتەت تازا تەورييا ەمەس, ناقتى وندىرىستىك تاجىريبە بەرەتىن باعدارلامالارىمەن تانىمال.
 • ستۋدەنتتەر حالىقارالىق جوبالارعا قاتىسا وتىرىپ, الەمدىك دەڭگەيدەگى ينجەنەرلەرمەن بىرگە جۇمىس ىستەۋگە مۇمكىندىك الادى.