Almatı metrosında endi bank kartası nemese smartfonmen töleu bwrınğıdan da jeñil bolmaq. Qalanıñ bastı kölik jelisinde turniketter tolıq jañartılıp, 2025 jıldıñ küzine qaray barlıq stanciyalarda baylanıssız tölem jasau mümkindigi qoljetimdi boladı, dep habarlaydı Shalqar.kz.

Bwrın bank kartasımen töleu üşin arnayı turniketke nemese kassağa baru qajet bolsa, endi ärbir turniket zamanaui qwrılğımen jabdıqtaladı. Bwl jañaşıldıq jolauşılardıñ uaqıtın ünemdep qana qoymay, metrodan ötu procesin äldeqayda jıldamdatadı.

“Kartañız nemese smartfonıñız bolsa jetkilikti” – jeton izdep sabıludıñ, wzın-sonar kezekte twrudıñ qajeti bolmaydı. Jolaqını bir ğana qimılmen töleu – qala twrğındarı men qonaqtarınıñ ömirin jeñildetpek.

Äkimdiktiñ aytuınşa, bwl özgeris Almatınıñ kölik infraqwrılımın jañğırtu ayasında jüzege asıp otır. Maqsat – qoğamdıq kölik sapasın köterip, megapolistegi jolauşılarğa barınşa jaylı jağday jasau.