گرۋزييانىڭ ۇزدىك جوعارى وقۋ ورىندارىندا تەگىن بىلىم الۋعا مۇمكىندىك تۋدى. قر عىلىم جانە جوعارى بىلىم مينيسترلىگى مەن گرۋزييا بىلىم, عىلىم جانە جاستار مينيسترلىگى اراسىنداعى كەلىسىم اياسىندا قازاقستاندىق ستۋدەنتتەرگە 2025–2026 وقۋ جىلىنا ارنالعان 5 بىلىم گرانتى بولىندى, دەپ حابارلايدى Shalqar.kz.

قانشا گرانت بار?
– 2 ورىن – باكالاۆريات
– 2 ورىن – ماگيستراتۋرا
– 1 ورىن – دوكتورانتۋرا
ماماندىقتار تىزىمى مەن ناقتى تالاپتار حالىقارالىق باعدارلامالار ورتالىعىنىڭ سايتىندا جارييالانعان.

قالاي وتىنىش بەرەمىن?
قۇجاتتار 2025 جىلدىڭ 26 مامىرىنا دەيىن قابىلدانادى. ەgov.kz پورتالى ارقىلى نەمەسە حالىقارالىق باعدارلامالار ورتالىعىنا بارىپ, قولما-قول تاپسىرۋعا بولادى.

ىرىكتەۋ قالاي وتەدى?
بارلىق ۇمىتكەر ونلاين سۇحباتتان وتەدى. ەگەر بىردەي بالل جيناعاندار بولسا, كەلەسى ساناتتاعى جاستارعا باسىمدىق بەرىلەدى:
– جەتىم بالالار نەمەسە اتا-اناسىنىڭ قامقورلىعىنسىز قالعاندار
– مۇمكىندىگى شەكتەۋلى جاستار
– كوپ بالالى وتباسىنان شىققاندار
– اۋىلدىق ەلدى مەكەندەردە تۇراتىندار

ماڭىزدى:
سوڭعى كۇندەرى گرۋزييا اۋماعىنا كىرۋگە بايلانىستى قيىندىقتار جيىلەگەنىمەن, گرۋزين تاراپى قازاقستاندىقتارعا قولايلى جاعداي جاساۋعا نيەتتى ەكەنىن جەتكىزدى.