Gruziyanıñ üzdik joğarı oqu orındarında tegin bilim aluğa mümkindik tudı. QR Ğılım jäne joğarı bilim ministrligi men Gruziya Bilim, ğılım jäne jastar ministrligi arasındağı kelisim ayasında qazaqstandıq studentterge 2025–2026 oqu jılına arnalğan 5 bilim grantı bölindi, dep habarlaydı Shalqar.kz.

Qanşa grant bar?
– 2 orın – bakalavriat
– 2 orın – magistratura
– 1 orın – doktorantura
Mamandıqtar tizimi men naqtı talaptar Halıqaralıq bağdarlamalar ortalığınıñ saytında jariyalanğan.

Qalay ötiniş beremin?
Qwjattar 2025 jıldıñ 26 mamırına deyin qabıldanadı. Egov.kz portalı arqılı nemese Halıqaralıq bağdarlamalar ortalığına barıp, qolma-qol tapsıruğa boladı.

İrikteu qalay ötedi?
Barlıq ümitker onlayn swhbattan ötedi. Eger birdey ball jinağandar bolsa, kelesi sanattağı jastarğa basımdıq beriledi:
– jetim balalar nemese ata-anasınıñ qamqorlığınsız qalğandar
– mümkindigi şekteuli jastar
– köp balalı otbasınan şıqqandar
– auıldıq eldi mekenderde twratındar

Mañızdı:
Soñğı künderi Gruziya aumağına kiruge baylanıstı qiındıqtar jiilegenimen, gruzin tarapı qazaqstandıqtarğa qolaylı jağday jasauğa nietti ekenin jetkizdi.