بۇگىن استانا قالاسىندا پارلامەنت ماجىلىسىنىڭ ۇيىمداستىرۋىمەن شاعىن فۋتبولدان رەسپۋبليكالىق تۋرنير باستالدى. رەسپۋبليكا كۇنىنە وراي ۇيىمداستىرىلعان جارىس باق وكىلدەرى اراسىندا وتكىزىلۋدە.

مەملەكەت باسشىسى قاسىم-جومارت توقاەۆتىڭ باستاماسىمەن ەلىمىزدە بۇقارالىق سپورتتى دامىتۋعا ەرەكشە كوڭىل بولىنىپ وتىر. وسى دۇبىرلى دودا – سول باستامانىڭ جارقىن كورىنىسى.
تۋرنيردى پارلامەنت ماجىلىسىنىڭ دەپۋتاتى ەلنۇر بەيسەنباەۆ اشىپ, جارىسقا قاتىسۋشىلاردى رەسپۋبليكا كۇنىمەن قۇتتىقتادى.
داستۇرلى جارىسىمىز وسىمەن ۇشىنشى مارتە وتىپ جاتىر. جۋرناليستەرىمىز فۋتبولدى جاقسى كورەتىنىن جاقسى بىلەمىز. سوندىقتان جىل سايىن وسى دوداعا دەگەن قىزىعۋشىلىق جوعارى. بىز اردايىم بۇقارالىق سپورتقا ەرەكشە مان بەرەمىز. وسى باعىتتا وزدەرىڭىزبەن بىرلەسىپ, جۇمىس ىستەۋگە دايىنبىز. بۇگىنگى تۋرنير تارتىستى وتەدى دەپ ويلايمىن. بارشاڭىزعا ساتتىلىك سەرىك بولسىن, – دەدى دەپۋتات ە.بەيسەنباەۆ.

 جارىسقا شىعىس قازاقستان, جەتىسۋ, تۇركىستان, قىزىلوردا, الماتى وبلىستارىنان, شىمكەنت پەن الماتى قالالارىنان, سونداي-اق استانادان 20-عا جۋىق كوماندا قاتىستى.  
ماجىلىس دەپۋتاتتارى مەن قىزمەتكەرلەرى دە بۇقارالىق سپورتتى قولداپ, جۋرناليستەرمەن بىرگە دوپ تەپتى.
تۋرنير قازاقستان فۋتبول فەدەراتسيياسىنىڭ, ەلوردا اكىمدىگىنىڭ قولداۋىمەن وتتى.
MAJILIS CUP – 2024 تۋرنيرىنىڭ قورىتىندىسى بويىنشا مىنا كوماندالار جەڭىسكە جەتتى.  
I ورىندى  Sport+ Qazaqstan كومانداسى,
II ورىندى تۇركىستان قۇراماسى,
III ورىندى شىمكەنت كومانداسى الدى.
 
سونىمەن بىرگە جارىستىڭ ۇزدىكتەرى دە ماراپاتتالدى.
ۇزدىك سۇرمەرگەن - ساپارعالي قانات (Sport+ Qazaqstan كومانداسى)
ۇزدىك قاقپاشى - قانات بازىلحان  ("24KZ” كومانداسى)
ۇزدىك قورعاۋشى - ايات دۇيسەنباەۆ (الماتى وبلىسى قۇراماسى)
ۇزدىك شابۋىلشى - ەرجان جۇنىس (31 تەلەارنا كومانداسى, الماتى قالاسى)
ۇزدىك ويىنشى - سامات ەسەنتاي ("قارەكەت" كومانداسى, جەتىسۋ وبلىسى)
مارات وسپانوۆ اتىنداعى ارنايى جۇلدە - مۇحتار تۇرتايۇلى ("قازمەديا" كومانداسى)
  
جازيرا امانتايقىزى