Bügin Astana qalasında Parlament Mäjilisiniñ wyımdastıruımen şağın futboldan respublikalıq turnir bastaldı. Respublika künine oray wyımdastırılğan jarıs BAQ ökilderi arasında ötkizilude.

Memleket basşısı Qasım-Jomart Toqaevtıñ bastamasımen elimizde bwqaralıq sporttı damıtuğa erekşe köñil bölinip otır. Osı dübirli doda – sol bastamanıñ jarqın körinisi.
Turnirdi Parlament Mäjilisiniñ deputatı Elnwr Beysenbaev aşıp, jarısqa qatısuşılardı Respublika künimen qwttıqtadı.
Dästürli jarısımız osımen üşinşi märte ötip jatır. Jurnalisterimiz futboldı jaqsı köretinin jaqsı bilemiz. Sondıqtan jıl sayın osı dodağa degen qızığuşılıq joğarı. Biz ärdayım bwqaralıq sportqa erekşe män beremiz. Osı bağıtta özderiñizben birlesip, jwmıs isteuge dayınbız. Bügingi turnir tartıstı ötedi dep oylaymın. Barşañızğa sättilik serik bolsın, – dedi deputat E.Beysenbaev.

 Jarısqa Şığıs Qazaqstan, Jetisu, Türkistan, Qızılorda, Almatı oblıstarınan, Şımkent pen Almatı qalalarınan, sonday-aq Astanadan 20-ğa juıq komanda qatıstı.  
Mäjilis deputattarı men qızmetkerleri de bwqaralıq sporttı qoldap, jurnalistermen birge dop tepti.
Turnir Qazaqstan futbol federaciyasınıñ, elorda äkimdiginiñ qoldauımen ötti.
MAJILIS CUP – 2024 turniriniñ qorıtındısı boyınşa mına komandalar jeñiske jetti.  
I orındı  Sport+ Qazaqstan komandası,
II orındı Türkistan qwraması,
III orındı Şımkent komandası aldı.
 
Sonımen birge jarıstıñ üzdikteri de marapattaldı.
Üzdik swrmergen - Saparğali Qanat (Sport+ Qazaqstan komandası)
Üzdik qaqpaşı - Qanat Bazılhan  ("24KZ” komandası)
Üzdik qorğauşı - Ayat Düysenbaev (Almatı oblısı qwraması)
Üzdik şabuılşı - Erjan Jünis (31 telearna komandası, Almatı qalası)
Üzdik oyınşı - Samat Esentay ("Qareket" komandası, Jetisu oblısı)
Marat Ospanov atındağı arnayı jülde - Mwhtar Twrtaywlı ("Qazmedia" komandası)
  
Jazira Amantayqızı