Biıl Qazaqstan mektepterinde soñğı qoñırau dästürli formatta ötpeydi. Oqu-ağartu ministrligi men jergilikti bilik oquşılardıñ qauipsizdigin qamtamasız etu maqsatında birqatar tıyım men tärtip bekitti, dep habarlaydı Shalqar.kz.

Ortalıq kommunikaciyalar qızmetinde ötken brifingte Bilim ministrligi Orta bilim komitetiniñ törağası Qanıbek Jwmaşev 11-sınıp tülekteri üşin saltanattı jiındar tek mektep qabırğasında ötetinin ayttı. Bwl – äkimşilik şeşimimen 23 nemese 24 mamır künderi wyımdastırıladı. Attestat tapsıru räsimi 18–20 mausım aralığında ötedi. Al 1–10 sınıptar üşin 23 mamırda sınıp sağattarı josparlanğan.

Şaralar tek mektep aumağında ğana ötui kerek. Qoğamdıq orındar, meyramhanalar men oyın-sauıq ortalıqtarında soñğı qoñırau ötkizuge qatañ tıyım salındı.

Mañğıstau oblısı bilim basqarmasınıñ mälimetinşe, mınalarğa rwqsat joq:
 • Ata-analardan aqşa jinauğa;
 • Animatorlar men merekelik agenttikter şaqıruğa;
 • Mwğalimder men mektepke sıylıq beruge;
 • Banket ötkizuge, limuzin nemese kölik jaldauğa;
 • Qoğamdıq jerlerde seruendeuge.

Tülekter tabiğatqa şığatın bolsa, arnayı rwqsattar men qwjattar qajet:
 • Mekteptiñ bwyrığı;
 • Ata-ananıñ jazbaşa kelisimi;
 • Marşrut turalı policiyağa habar beru.
Bwl saparğa mektep ökili, däriger jäne policey birge ilesui mindetti.

Qauipsizdik şaraları mwnımen şektelmeydi:
 • Är mektepke policiya qızmetkeri bekitiledi;
 • Kameralar baqılauı küşeytiledi;
 • Kämeletke tolmağandar tünde köşede jüruge bolmaydı;
 • Dükender men dämhanalarda alkogol' satu qatañ qadağalanadı.

Ört qauipsizdigi de nazarda:
 • Rwqsat etilmegen orındarda şomıluğa;
 • Pirotehnika qoldanuğa tıyım salınğan;
 • Arnayı orındardan tıs suğa sekiruge bolmaydı.

Jauaptı organdar ata-analar da balalarınıñ qauipsizdigine ortaq jauaptı ekenin eskertti. Ministrlik tarapınan naqtı bwzuşılıqtar tirkelgen jağdayda jedel şaralar qabıldanbaq.

Ayta keteyik, biıl 9-sınıptı 364 mıñnan astam, al 11-sınıptı 17 mıñnan astam oquşı tämamdaydı.
Memlekettik emtihandar 9-sınıptar üşin – 29 mamır men 10 mausım, al 11-sınıptar üşin – 30 mamır men 16 mausım aralığında ötedi.