قازاقستان مەن وزبەكستان اراسىنداعى “تاجەن” شەكارا بەكەتى 2025 جىلدىڭ 1 قىركۇيەگىنە دەيىن جۇمىس ىستەمەيدى. بۇل تۋرالى مەملەكەتتىك كىرىستەر كوميتەتى رەسمي تۇردە حابارلادى, دەپ حابارلايدى Shalqar.kz.

ۋاقىتشا شەكتەۋ ەكى ەل اراسىنداعى كەلىسىم نەگىزىندە ەنگىزىلگەن. جەكە تۇلعالار, جەڭىل كولىكتەر, اۆتوبۋستار مەن سالماعى 3,5 تونناعا دەيىنگى كولىك قۇرالدارى اتالعان وتكىزۋ پۋنكتى ارقىلى شەكارادان وتە المايدى.

بەكەتتىڭ جابىلۋىنا سەبەپ – اۋقىمدى قۇرىلىس جانە قايتا جاڭارتۋ جۇمىستارى. قازىر مۇندا كۇردەلى جوندەۋ, ينجەنەرلىك ينفراقۇرىلىم تارتۋ جانە بەيتاراپ ايماقتا جاڭا جول سالۋ سەكىلدى ىرى جوبالار جۇزەگە اسۋدا.

مەملەكەتتىك كىرىستەر كوميتەتى ازاماتتاردى الداعى ساپارلارىن جوسپارلاۋ كەزىندە وسى جاعدايدى ەسكەرۋگە شاقىرادى.

ەسكەرىڭىز: “تاجەن” – ماڭعىستاۋ وڭىرى ارقىلى وزبەكستانعا وتەتىن نەگىزگى جولداردىڭ بىرى.