Қазақстанда мемлекеттік тілдің мәртебесін арттыруға бағытталған тағы бір маңызды бастама қолға алынды. Биыл “Жарнама – тіл тазалығының көрінісі” атты байқау өтеді. Бұл шара Қазақстандағы 2023–2029 жылдарға арналған тіл саясатын дамыту тұжырымдамасы аясында ұйымдастырылып отыр, деп хабарлайды Shalqar.kz.

Байқаудың басты мақсаты қандай?
– Жарнамада мемлекеттік тілді дұрыс әрі сауатты қолдануды насихаттау;
– Қоғамдық орындарда жиі кездесетін қате жазуларды анықтап, олардың дұрыс үлгісін ұсыну;
– Жарнаманың түрлерін, стилі мен мазмұнын тілдік талаптарға сай талдау.

Қатысуға кімдер шақырылады?
Биылғы байқау ауқымды форматта өтеді – қатысушылар саны мен географиясы кеңейтілді.

Байқау кезеңдері:
 • 1 маусымға дейін – ауылдық округтер деңгейінде;
 • 1 шілдеге дейін – аудандық/қалалық деңгейде;
 • 1 тамызға дейін – облыстар мен Астана, Алматы, Шымкент қалаларында;
 • 1 қыркүйекке дейін – өтінімдер ҚР Ғылым және жоғары білім министрлігінің Тіл саясаты комитетінде қабылданады.