قازاقستاندا مەملەكەتتىك تىلدىڭ مارتەبەسىن ارتتىرۋعا باعىتتالعان تاعى بىر ماڭىزدى باستاما قولعا الىندى. بيىل “جارناما – تىل تازالىعىنىڭ كورىنىسى” اتتى بايقاۋ وتەدى. بۇل شارا قازاقستانداعى 2023–2029 جىلدارعا ارنالعان تىل ساياساتىن دامىتۋ تۇجىرىمداماسى اياسىندا ۇيىمداستىرىلىپ وتىر, دەپ حابارلايدى Shalqar.kz.

بايقاۋدىڭ باستى ماقساتى قانداي?
– جارنامادا مەملەكەتتىك تىلدى دۇرىس ارى ساۋاتتى قولدانۋدى ناسيحاتتاۋ;
– قوعامدىق ورىنداردا جيى كەزدەسەتىن قاتە جازۋلاردى انىقتاپ, ولاردىڭ دۇرىس ۇلگىسىن ۇسىنۋ;
– جارنامانىڭ تۇرلەرىن, ستيلى مەن مازمۇنىن تىلدىك تالاپتارعا ساي تالداۋ.

قاتىسۋعا كىمدەر شاقىرىلادى?
بيىلعى بايقاۋ اۋقىمدى فورماتتا وتەدى – قاتىسۋشىلار سانى مەن گەوگرافيياسى كەڭەيتىلدى.

بايقاۋ كەزەڭدەرى:
 • 1 ماۋسىمعا دەيىن – اۋىلدىق وكرۋگتەر دەڭگەيىندە;
 • 1 شىلدەگە دەيىن – اۋداندىق/قالالىق دەڭگەيدە;
 • 1 تامىزعا دەيىن – وبلىستار مەن استانا, الماتى, شىمكەنت قالالارىندا;
 • 1 قىركۇيەككە دەيىن – وتىنىمدەر قر عىلىم جانە جوعارى بىلىم مينيسترلىگىنىڭ تىل ساياساتى كوميتەتىندە قابىلدانادى.