Jaz keldi – demalıs uaqıtı ğana emes, özin-özi damıtu men alğaşqı tabıs tabudıñ da tamaşa kezeñi. Eñbek jäne halıqtı äleumettik qorğau ministri Svetlana Jaqıpovanıñ aytuınşa, biıl mektep oquşıları men studentterge türli salalarda jwmıs isteuge jäne jaña dağdılardı meñgeruge naqtı mümkindikter qarastırılğan, dep habarlaydı Shalqar.kz.

Ministrdiñ dereginşe, elimizde 14 pen 18 jas aralığında jwmıs isteuge rwqsat etilgen 1,5 millionğa juıq oquşı bar. Onıñ işinde 26 mıñnan astamı – mümkindigi şekteuli jastar. Jwmıs isteuge beyildi oquşılardıñ köbi Türkistan, Almatı, Jambıl oblıstarında jäne Almatı qalasında şoğırlanğan.

Qazirdiñ özinde 24 mıñnan astam oquşı sauda jäne tamaqtanu salasında eñbekke aralasıp ülgergen. Al jazğı demalıs kezinde jastardıñ belsendiligin arttıru maqsatında birneşe bastama qolğa alınbaq.

Jastarğa arnalğan bastı mümkindikter:
 • enbek.kz portalında “Meniñ jazğı demalısım” bölimi aşıldı. Mwnda oquşılar men studentter tirkelip, tüyindeme jasap, jwmıs izdey aladı. 16 jasqa deyingiler üşin ata-anası nemese qamqorşısı arqılı tirkeu jürgiziledi.
 • Skills.Enbek onlayn platformasında 1000-nan astam kurs qoljetimdi. Onıñ 322-si tegin, 137-si qazaq tilinde. Jastar bwl kurstar arqılı İT, dizayn, marketing, qarjı sındı salalarda bilimin jetildire aladı.
 • Qoğamdıq jwmıstar men käsiptik bağdar beretin jobalar iske qosıladı. Bwl şaralar jastardı eñbekke baulıp qana qoymay, bolaşaq mamandıqtarın tañdauğa bağıt beredi.